Puttewar Murder Case : पुरुषोत्तम पुट्टेवार सुपारी किलिंग प्रकरणात एसीबीची एंट्री; अर्चना पुट्टेवारांच्या संपत्तीची होणार चौकशी
Puttewar Murder Case: अपघाताच्या माध्यमातून सासऱ्याची हत्या घडवणारी सून आणि नगर रचना विभागाततील वरिष्ठ अधिकारी अर्चना पुट्टेवार यांच्या अडचणी वाढण्याची शक्यता आहे.
त्यानंतर आता अँटी करप्शन ब्युरोने अर्चना पुट्टेवार यांच्या चौकशीसाठी शासनाकडे परवानगी मागितली आहे. त्यामुळे या हत्येच्या प्रकरणामुळे अर्चना पुट्टेवार यांच्या अडचणीत आणखी वाढ होणार असून या तपासाअंती आणखी काही नवी माहिती पुढे येते का? हे पाहणं महत्वाचे ठरणार आहे.
पुरुषोत्तम पुट्टेवार सुपारी किलिंग प्रकरणात एसीबीची एंट्री
कोट्यवधी रुपयांच्या संपत्तीचे मालक असलेले पुरुषोत्तम पुट्टेवार यांचा 22 मे रोजी मुलीच्या घरी पायी जात असताना मानेवाडा चौकाजवळ कारच्या धडकेत मृत्यू झाला होता. अजनी पोलिसांनी तडकाफडकी आकस्मिक मृत्यूची नोंद केली. पुरुषोत्तम त्यांच्या कुटुंबात पत्नी शकुंतला, मुलगा डॉ. मनीष, सून अर्चना आणि मुलगी योगिता आहे. सुक्ष्म-लघू आणि मध्यम उद्योग विभागाचे संचालक प्रशांत पार्लेवार याचा मोठा भाऊ प्रविणची योगिता ही पत्नी असून तिने पार्लेवारच्या संपत्तीतील वाटा मिळावा म्हणून न्यायालयीन लढा सुरू केला होता. त्यानंतर संपत्तीत वाटा मिळावा, यासाठी योगिता पार्लेवार यांनी वडील पुरुषोत्तम पुट्टेवार यांच्या मदतीने न्यायालयात खटला दाखल केला. त्यामुळे अर्चना व तिचा भाऊ सूक्ष्म लघु व मध्यम उद्योग विभागाचा संचालक (एमएसएमई) प्रशांत पार्लेवार हे दोघे दुखावले. या दोघांनी पुरुषोत्तम यांच्या हत्येचा कट आखला.
अर्चना पुट्टेवारांच्या संपत्तीची होणार चौकशी
पुरुषोत्तम पुट्टेवार यांचा 22 मे रोजी मुलीच्या घरी पायी जात असताना मानेवाडा चौकाजवळ कारच्या धडकेत मृत्यू झाला होता. सुरुवातीला पोलिसांनीही अपघाती मृत्यूचीच नोंद केली होती. मात्र, नंतर पोलिसांना या प्रकरणात काही गोपनीय माहिती मिळाली. त्या आधारावर पोलिसांनी केलेल्या तपासात पुरुषोत्तम पुट्टेवार यांना लागलेली कारची धडक सुनियोजित पद्धतीने घडविलेला अपघात होता आणि पुरुषोत्तम पुट्टेवार यांची हत्या करण्याच्या उद्दिष्टाने तो अपघात घडवण्यात आला होता, अशी माहिती मिळाली. पुट्टेवार यांच्या अपघातातून (Nagpur Accident) हत्येच्या प्रकरणात त्यांची सून अर्चना पुट्टेवारच मास्टरमाइंड निघाली आहे. अर्चना पुट्टेवार यांनीच आपल्या 82 वर्षीय सासर्यांच्या हत्येची सुपारी कुटुंबातील ड्रायव्हर सार्थक बागडेचे माध्यमातून दिल्याचं पोलीस तपासात पुढे आलय. वाहनचालक सार्थक बागडेने या प्रकरणी नीरज नीमजे आणि सचिन धार्मिक या दोघांना पुरुषोत्तम पुट्टेवार यांची अपघातातून हत्या करण्याच्या काम सोपवलं होतं.
अर्चना पुट्टेवार यांच्या अडचणीत आणखी वाढ
याप्रकरणी पोलिसांनी अर्चना, प्रशांतसह सातही आरोपींना अटक केली. सध्या सर्वजण कारागृहात आहेत. अर्चनाने मोठी संपत्ती जमविली असून, यात गडचिरोलीतील दोघांची महत्त्वाची भूमिका असल्याचे पोलिस तपासात समोर आले. पोलिसांनी एसीबीकडे संपत्तीच्या चौकशीसाठी पत्र पाठविण्याची तयारी सुरू केली असतानाच गडचिरोली एसीबीकडे अर्चना आणि तिच्या दोन विश्वासूंच्या संपत्तीची आणि अनियमिततेची चौकशी करण्यात यावी, अशी तक्रार आली. ही तक्रार एसीबीकडे करण्यात आली आहे. ती महासंचालक कार्यालयाकडे वर्ग करण्यात आली असून महासंचालक कार्यालयाच्या आदेशानुसार पुढील प्रक्रिया सुरू करण्यात येईल, अशी माहिती एसीबीच्या अधिकाऱ्याने दिली आहे.
0 Comments