माकडांनी ३० दिवसांत ३५ लाखांची साखर खाल्ली? कारखान्याच्या ऑडिटमध्ये खुलासा, दोघांविरुद्ध गुन्हा दाखल

या घोटाळ्याप्रकरणी तपास अहवाल आल्यानंतर गोदाम किपरसह दोघांवर गुन्हा दाखल करण्यात आला आहे.

अलीगड : उत्तर प्रदेशातील अलीगड येथील किसान साथा साखर कारखान्यात ११०० क्विंटल साखरेचा घोटाळा झाल्याची घटना समोर आली आहे. जवळपास ३५ लाख रुपयांची साखर पावसात वाहून गेली आणि माकडांनी खाल्ल्याचे सांगण्यात आले. दरम्यान, साथा हा साखर कारखाना २६ महिन्यांपासून बंद आहे. आता या घोटाळ्याप्रकरणी तपास अहवाल आल्यानंतर गोदाम किपरसह दोघांवर गुन्हा दाखल करण्यात आला आहे.