बेशुद्ध करुन अत्याचार; नंतर आईच्या प्रियकराची १४ वर्षीय मुलीला धमकी, कंटाळून तरुणीनं घर सोडलं अन्...

Chhatrapati Sambhajinagar News: छत्रपती संभाजीनगर आईच्या प्रियकराने १४ वर्षाय मुलीवर अत्याचार केल्याचे समोर आले आहे. या प्रकरणी एकावर गुन्हा दाखल करण्यात आला आहे.

छत्रपती संभाजीनगर: घटस्फोटानंतर गेल्या दहा वर्षापासून लिव्ह-इन रिलेशनशिपमध्ये राहणाऱ्या आईच्या प्रियकरानेच १४ वर्षीय मुलीवर दुधामध्ये औषध देऊन अत्याचार केल्याची धक्कादायक घटना उघडकीस आली आहे. नराधामाने एवढ्यावरच न थांबता मुलीचे विवस्त्र अवस्थेत व्हिडिओ काढत मुलीला धमक्या दिल्या. याप्रकरणी मुलीने घरातून पळ काढत पोलीस ठाण्यामध्ये आपली व्यथा सांगितली. याप्रकरणी पुंडलिक नगर पोलीस ठाण्यामध्ये आईच्या प्रियकराविरोधात गुन्हा दाखल करण्यात आला आहे

याप्रकरणी चौदा वर्षीय पीडित मुलीने दिलेल्या फिर्यादीवरून, पीडित मुलगी दोन वर्षाची असताना तिच्या आईचा पहिल्या पतीसोबत घटस्फोट झाला. त्यानंतर अशपाक गफ्फर शेख या व्यक्तीसोबत आंतरजातीय आईने दुसरा विवाह केला. ते दोघेही एकत्र राहू लागले. मात्र काही दिवसानंतर अशपाक याने पीडितेच्या आईचा छळ सुरू केला. त्यांच्यामध्ये दररोज वाद होत गेले. त्यामुळे कंटाळलेल्या मुलीची आई बेपत्ता झाली. काही दिवसांनी सर्व कुटुंब पुंडलिक नगर भागामध्ये राहू लागले. यावेळी आरोपीने पीडित मुलगी ही मोठी झाल्यानंतर तिचे लग्न लावून देण्याचा निर्णय घेतला.

या निर्णयाला मुलीने विरोध केला. त्यानंतर अशपाकने मुलीला सांगितलेल्या स्थळी लग्न कर अन्यथा माझ्यासोबत शरीरसंबंध ठेव, असं म्हणत बळजबरीने शरीरसंबंध ठेवायला सुरुवात केली. त्यानंतर मुलीला वेगवेगळ्या पदार्थांमधून औषध देऊन मुलीला बेशुद्ध करून अत्याचार करू लागला. दरम्यान या त्रासाला कंटाळलेल्या मुलीने अचानक घर सोडून मैत्रिणीचे घर गाठलं. दरम्यान मैत्रिणीला घडलेली घटना सांगितली. त्यानंतर महिला सुरक्षा समितीच्या सदस्यांच्या मदतीने तिचा जबाब नोंदवून या प्रकरणी पुंडलिक नगर पोलीस ठाण्यामध्ये गुन्हा दाखल करण्यात आला आहे. दरम्यान या प्रकरणी पुंडलिक नगर पोलीस ठाण्याच्या पोलीस निरीक्षक मेघा माळी पुढील तपास करत आहे.