कर्जत-बदलापूर विभागात मध्यरात्री दुरुस्तीसाठी ब्लॉक, कोणत्या गाड्या अन्यत्र वळवल्या?

Central Rail: मध्य रेल्वेने दुरुस्तीसाठी ब्लॉक जाहीर केला आहे. त्यामुळे काही गाड्या अन्य मार्गांवरुन वळवण्यात आल्या आहेत. तसेच सीएसएमटीवरुन कर्जतला जाणारी शेवटची लोकल रात्री ११ वाजून १८ मिनिटांनी सुटणार आहे.

मुंबई: मध्य रेल्वेच्या प्रवाशांसाठी महत्त्वाची बातमी आहे. नेरळ स्टेशनवर स्विच ब्लॉकआणि कर्जत-बदलापूर विभागातील इतर ट्रॅक देखभालीसाठी ब्लॉक घेण्यात येणार आहे. हा ब्लॉक शनिवारी रात्री ते रविवारी रात्री दोन दिवस असेल. या दोन्ही दिवशी मध्यरात्री १.०० वाजल्यापासून पहाटे ४.०० वाजेपर्यंत ब्लॉक असणार आहे. या ब्लॉकमुळे काही गाड्या अन्य मार्गे वळवण्यात आल्या आहेत.

या गाड्या अन्य मार्गांवर वळवण्यात आल्या आहेत:

११०४१ दादर-शिर्डी डाऊन एक्सप्रेस, १२७०२ हैदराबाद-सीएसएमटी अप एक्स्प्रेस, ११०२० भुवनेश्वर-सीएसएमटी अप एक्सप्रेस, १८५१९ विशाखापट्टणम-लोकमान्य टर्मिनल्स या गाड्या आज रात्री पनवेल-कर्जत मार्गे वळवण्यात येतील. तसेच या गाड्यांचा कल्याण स्टेशनचा थांबा वगळला जाईल आणि ठाणे स्टेशनला थांबा दिला जाईल.

मेल एक्सप्रेस नियमन

१११४० होस्पेट- छ. शिवाजी महाराज टर्मिनल्स अप एक्सप्रेस ४० मिनिटे उशीराने सीएसएमटी येथे पोहचेल.

सीएसएमटी ते कर्जत ही शेवटची लोकल:

छत्रपती शिवाजी महाराज टर्मिनल्सवरुन कर्जतला जाणारी शेवटची लोकल २३ वाजून १८ मिनिटांनी सुटेल तसेच कर्जतहून सीएसएमटीला जाणारी पहिली लोकल सकाळी ४ वाजून २८ मिनिटांनी सुटेल.


उपनगरीय रेल्वे सेवा:

S41 कर्जत लोकल- सीएसएमटी विभाग 23.30 वाजता कर्जतऐवजी अंबरनाथपर्यंत धावेल.
S1 कर्जत लोकल- सीएसएमटी विभाग 00.24 तास कर्जत ऐवजी बदलापूर पर्यंत धावेल.

S2 कर्जत लोकल बदलापूरहून 03.06 वाजता धावेल.
S4 कर्जत लोकल अंबरनाथहून 04.20 वाजता धावेल.