प्रेयसीची हत्या करण्यासाठी प्रेशर कुकर उचलला अन्...; दरवाजा उघडल्यानंतर शेजाऱ्यांसह पोलीसही चक्रावले

 पोलिसांनी दिलेल्या माहितीनुसार, वैष्णव आणि देवा हे दोघेही मूळचे केरळचे आहेत. गेल्या दोन वर्षांपासून ते बंगळुरुत वास्तव्य करत होते.   

बंगळुरुत 29 वर्षीय तरुणाने आपल्या लिव्ह-इन पार्टनरची अत्यंत निर्दयीपणे हत्या केल्याची धक्कादायक घटना समोर आली आहे. पोलिसांनी दिलेल्या माहितीनुसार, हे जोडपं बंगळुरुत भाड्याच्या घऱात राहत होतं. यावेळी वाद झाला असता आरोपी तरुणाने डोक्यात प्रेशर कुकर घालून तरुणीची हत्या केली. तरुणीच्या बहिणीने फोन केला असता ती उत्तर देत नसल्याने ही घटना उघडकीस आली. शेजाऱ्यांनी पोलिसांना फोन केला असता दरवाजा उघडून पाहण्यात आलं. यावेळी तरुणी मृतावस्थेत पडलेली होती. पोलिसांनी आरोपीला अटक केली आहे. 

पोलिसांनी दिलेल्या माहितीनुसार, 29 वर्षीय वैष्णव आणि 24 वर्षीय देवा लिव्ह-इनमध्ये राहत होते. मूळचे केरळचे असणाऱ्या दोघांनी बंगळुरुत भाड्याने घर घेतलं होतं. गेल्या दोन वर्षांपासून दोघे एकत्र होते. दोघांची कॉलेजपासूनची ओळख होती. तसंच बंगळुरुतील एकाच सेल्स आणि मार्केटिंग कंपनीत कामाला होते. दरम्यान, वैष्णवला गेल्या काही दिवसांपासून देवा आपली फसवणूक करत असल्याचा संशय आला होता.