“राहुल गांधींनी मणिपूर पेटवण्याचं काम केलं”, स्मृती इराणींचा हल्लाबोल

मणिपूरमधील घटनेवरून काही दिवसांपासून केंद्र सरकारला विरोधकांनी घेरलं आहे.

गेल्या काही दिवसांपासून मणिपूर हिंसाचारावरून संसदेत घमासान सुरु आहे. केंद्र सरकारकडून चर्चेची तयारी दाखवली जात आहे. तरी, पंतप्रधान नरेंद्र मोदी यांनी संसदेत मणिपूर हिंसाचारावर भाष्य केलं पाहिजे, अशी मागणी विरोधकांकडून करण्यात येत आहे. अशातच केंद्रीय मंत्री स्मृती इराणी यांनी बुधवारी ( २६ जुलै ) काँग्रेस नेते राहुल गांधी यांच्यावर हल्लाबोल केला. मणिपूर पेटवण्यासाठी राहुल गांधी जबाबदार असल्याचा आरोप स्मृती इराणी यांनी केला आहेप्रश्नोत्तराच्या तासात पश्चिम बंगालच्या काँग्रेस खासदार अमी याग्निक यांनी स्मृती इराणी आणि अन्य महिला मंत्री मणिपूर हिंसेवर कधी बोलणार? असा सवाल उपस्थित केला. या प्रश्नानंतर स्मृती इराणी संतापल्याच्या पाहायला मिळाल्या.