Beed Rape News : दिराने लाज सोडली, वहिणीचा अंघोळीचा व्हिडीओ केला रेकॉर्ड अन्... बीडमधील घटना

 अंघोळ करतांनाचा विडिओ व्हायरल करण्याची धमकी देत दोन दिरांनी विवाहितेवर बलात्कार केल्याची खळबजनक घटना बीडच्या गेवराई शहरांत उघडकीस आली.

बीड, 07 फेब्रुवारी : बीडमध्ये एक धक्कादायक प्रकार समोर आला आहे. अंघोळ करतांनाचा विडिओ व्हायरल करण्याची धमकी देत दोन दिरांनी विवाहितेवर बलात्कार केल्याची खळबजनक घटना बीडच्या गेवराई शहरांत उघडकीस आली. याप्रकरणी पीडितेच्या फिर्यादीवरून दोघा आरोपीं विरोधात गुन्हा दाखल करण्यात आला आहे. घडलेल्या प्रकारामुळे नात्याला काळीमा फासल्याने खळबळ उडाली.

पाच ते सहा महिन्यांपूर्वी पती बाहेर गेल्यानंतर मोठा दीर जेवणासाठी घरी आला. जेवण दिल्यानंतर दिराने आवाज देत बोलावून घेत मोबाईलमध्ये मध्ये एक व्हिडिओ दाखवला. विवाहिता अंघोळ करतानाचा व्हिडिओ होता.

व्हिडिओ व्हायरल करण्याची धमकी देत याने शारीरिक सुखाची मागणी केली. विवाहितेने सगळा प्रकार सासऱ्यांना सांगितला. परंतु त्यांनी विश्वास ठेवला नाही. उलट माझ्या मुलावर माझा विश्वास आहे असे सांगून वेळ मारून नेली. 

त्यानंतरही घरी एकटे असल्याचा गैरफायदा घेत दिराने अत्याचार केला. काही दिवसांनी मावस दिरास घरी आणून त्याने गाडी घेण्यासाठी मदत केल्याने त्याच्यासोबत संबंध ठेव असे सांगितले. नकार देताच मावस दिराने देखील अत्याचार केला.

त्यानंतर पिडीतेने आई-वडिलांना याची माहिती दिली. त्यांच्या मदतीने पिडीतेने गेवराई पोलीस ठाण्यात दोघांविरुद्ध फिर्याद दिली. याप्रकरणी गुन्हा दाखल करून पोलिसांनी दोन्ही आरोपींना ताब्यात घेतले आहे.