नृत्यांगना राधिका मर्चंटचा अरंगेत्रम सोहळा आज मुंबईच्या जियो वर्ल्ड सेंटरमध्ये संपन्न झाला. या कार्यक्रमानंतर अंबानी कुटुंबीयांनी एक मोठी घोषणा केली. लवकरच त्यांच्या घरी धाकड्या सुनबाईची एंट्री होणार आहे.
मुंबई 5 जून- नृत्यांगना राधिका मर्चंटचा ( Radhika Merchant ) अरंगेत्रम सोहळा आज मुंबईच्या जियो वर्ल्ड सेंटरमध्ये संपन्न झाला. राधिकाच्या विशेष कार्यक्रमासाठी संपूर्ण अंबानी कुटुंबीयांनी हजेरी लावली होती. या कार्यक्रमानंतर अंबानी कुटुंबीयांनी एक मोठी घोषणा केली. लवकरच त्यांच्या घरी धाकट्या सुनबाईंची एंट्री ( radhika merchant anant ambani wedding ) होणार आहे. ही धाकटी सुनबाई म्हणजे दुसरी तिसरी कोणी नसून राधिका मर्चंट आहे. लवकरची ती अंबानी परिवाराची सून होणार आहे. आज अधिकृतपणे अंबानी परिवारानं अनंत अंबानी आणि राधिकाच्या लग्नाची घोषणा केली आहे.
अंबानी कुटुंबात नीता अंबानी यांच्यानंतर राधिका ही दुसरी व्यक्ती आहे, जिने भरतनाट्यम नृत्यप्रकारात अरंगेत्रम केलं आहे. राधिका ही मागील 8 वर्षांपासून गुरू भावना ठाकर यांच्याकडे नृत्याचे प्रशिक्षण घेत होती. आज अखेर तिचं शिक्षण पूर्ण झालं असून तिनं अरंगेत्रम पूर्ण केलं. राधिकाने जिओ वर्ल्ड सेंटरच्या ग्रँड सेंटरमध्ये गुरू आणि दिग्गजांच्या उपस्थितीत तिचा पहिला सोलो परफॉर्मन्स सादर केला. राधिकाच्या अरंगेत्रम सादरीकरणात पारंपरीक अल्लारिपू आणि तालांचा समावेश होता. राधिकानं लोकप्रिय भजन अच्युतम केशवमवर नृत्यसादरीकरण केलं. तसेच भगवान राम, गोपींसोबत भगवान श्री कृष्णांच नृत्य आणि बाळ कृष्णाची लिला नृत्यातून सादर केली.
अरंगेत्रम सादरीकरणात राधिकानं नाट्यशास्त्रातील आठ रस सादर केले. श्रृंगार रस, हास्य रस, करुण रस, वीर रस, रौद्र रस, बिभित्स रस, अद्भूत रस, भय रस आपल्या अभिनयातून सादर केले. नृत्य आणि अभिनयाची उत्तम सांगड घालत राधिकानं तिच्या अरंगेत्रम सादरीकरणातून सर्वांची मनं जिंकली. राधिकाच्या सादरीकरणावर उपस्थितांनी टाळ्यांच्या गजरात दाद देत राधिकाचं कौतुक केलं.
सुंदर आणि स्पष्ट तत्कार ( फुटवर्क) सुंदर हस्तमुद्रा आणि आकर्षक भरतानाट्यम आसनासह राधिकानं सादरीकरणाच्या शेवटी तराना सादर केला. तिच्यासाठी आणि तिच्या गुरूंसाठी हा सर्वात समाधान आणि गर्वचा क्षण ठरला.
अंबानी कुटुंबातील महत्त्वाच्या सोहळ्यांना राधिकाला आवर्जुन स्पॉट करण्यात येतं. 'आकाश अंबानी' आणि 'श्लोका मेहता' यांच्या लग्नात देखील राधिकाला स्पॉट करण्यात आलं होतं. न्यूयॉर्क यूनिव्हर्सिटीमधून राधिकाचं संपूर्ण शिक्षण झालं आहे. राधिकाला ट्रेकिंग आणि स्विमींगची आवड आहे. राधिका मर्चंट ही वीरेन मर्चंट यांची मुलगी आहे.
0 Comments