पती-पत्नीमध्ये भांडण (Husband Wife Dispute) होत असते. मात्र, काही वेळा या भांडणाचा परिणाम फार धक्कादायक होतो, याबाबतही तुम्ही वाचले असेल. असेच एका पती-पत्नीचे भांडण झाले होते. या भांडणाचे रुपांतर मात्र, एका धक्कादायक घटनेत झाल्याचे समोर आले आहे.
पती-पत्नीचे भांडण झाले होते. या भांडणाचा राग मनात धरून एका महिलेने तिच्या चार वर्षाच्या मुलासह विहिरीत उडी घेत आत्महत्या (Suicide) केली. बाबोनी शहाजान (वय 30) आणि अल्तमश शहाजान शहा, अशी मृतांची नावे आहेत. ही धक्कादायक घटना पैठण (Paithan) तालुक्यातील कारकीन शिवारात घडली. मंगळवारी दुपारच्या सुमारा ती उघडकीस आली. याप्रकरणी एमआयडीसी पैठण पोलीस ठाण्यात (Midc Paithan Police Station) नोंद झाली आहे.
बानोबी शहजान आणि त्यांचे पतीन शहाजान शहा या दोघांमध्ये एका क्षुल्लक कारणावरुन सोमवारी सायंकाळच्या सुमारास भांडण झाले होते. याच भांडणाचा राग बानोबी शहा यांनी मनात धरल आणि त्यानंतर एक धक्कादायक आणि अत्यंत टोकाचे पाऊल उचचले. त्यांनी आपला चार वर्षांचा मुलगा अल्तमशला घेऊन मध्यरात्री स्वत:च्या शेतातील विहिरीत उडी घेऊन आत्महत्या केली.
दरम्यान, बानोबी आपल्या मुलासह गायब झाल्यानंतर त्यांची शोधाशोध सुरू झाली. त्यांनी मंगळवारी सकाळी पती शहाजान सह शेजाऱ्यांनीही त्यांचा शोध घेतला. मात्र, बानोबी आणि अल्तमश मिळून आले नाहीत. याचदरम्यान, नातेवाईकांकडेही शोध सुरू होता. मात्र, तिथे त्या नसल्याची माहिती मिळाली.
0 Comments