Fire breaks out at Kurla in Mumbai: मुंबईतील कुर्ला परिसरात असलेल्या भंगाराच्या गोदामाला भीषण आग लागली आहे.
मुंबई, 7 एप्रिल : मुंबईतील कुर्ला (Kurla) पश्चिम परिसरात असलेल्या भंगाराच्या गोदामांना भीषण आग (Fire at scrap godown in Kurla) लागली आहे. आगीची माहिती मिळताच घटनास्थळी अग्निशमन दलाच्या गाड्या दाखल झाल्या आहेत. आगीवर नियंत्रण मिळवण्यासाठी अग्निशमन दलाकडून शर्थीचे प्रयत्न सुरू आहेत. ही आग इतकी भीषण आहे की, धुराचे लोट हे 15 ते 20 फूट उंचावर जाताना पहायला मिळत आहे. ज्या ठिकाणी आग लागली आहे त्या ठिकाणी अनेक गोदाम असून आग इतरही गोदामांना लागण्याची भीती व्यक्त करण्यात येत आहे.
मिळालेल्या माहितीनुसार, कुर्ला पश्चिमेकडील सीएसटी रोडवर असलेल्या ऑटोमोबाइल स्क्रॅप गोदामांना ही आग लागली आहे. अग्निशमन दलाच्या पाच गाड्या घटनास्थळी दाखल झाल्या आहेत. आगीत अनेक दुकाने भस्मसात झाल्याचं वृत्त समोर येत आहे.
ज्या ठिकाणी ही आग लागली आहे तेथे खूपच अरुंद गल्या आणि दाटीवाटीची वस्ती असल्याने अग्निशमन दलाच्या जवानांना आग विझवण्यात अडचणी येत आहेत. तसेच आग लागलेल्या ठिकाणी गाड्यांचे स्पेअरपार्ट्स, ऑईलचा साठा आहे. ज्वलनशील पदार्थांमुळे आग झपाट्याने पसरत आहे.
0 Comments