भाईंदरमध्ये चार वर्षाच्या मुलीवर बलात्कार

पोलिसांनी बसचालक नराधमाला ठोकल्या बेड्या

भाईंदरच्या डोला नगर परिसरात एका लक्झरी बसजवळ खेळत असलेल्या चार वर्षाच्या चिमुकलीला बसमध्ये नेऊन तिच्यावर अतिप्रसंग करून तिला जीवे मारण्याचा प्रयत्न करणाऱ्या 34 वर्षीय बस ड्रायव्हरला पोलिसांनी अटक करून त्याच्यावर पोकसा कायद्या अंतर्गत गुन्हा दाखल करण्यात आला आहे.

 मुलीच्या आईने वडिलांनी ती हरवल्याची तक्रार दाखल केली होती, पोलीस निरीक्षक किरण वाळवी यांनी घटनास्थळी धाव घेऊन व तपास करत वसईच्या माणिकपूर परिसरातून सदर बस ड्रायव्हरला अटक केली, तपासात त्याने बलात्कार केल्याचे उघड झाले असून पोलिसांनी त्याच्यावर पोकसा कायद्या अंतर्गत गुन्हा दाखल केला आहे.