3D NEWS

नर्गीस फाकरी येतेय घाबरवायला, अंगावर काटा आणणारा ट्रेलर रिलीज

नर्गिस दिसायला सुंदर आहे. तिची व्यक्तिरेखा नेहमी रोमँटिक दाखवली जाते. पण आता हीच नर्गिस घाबरवायला येतेय.मुंबई, 19 डिसेंबर : नर्गीस फाकरी म्हटलं की समोर येते तिची रोमँटिक इमेज. तिचा राॅकस्टार सिनेमा असो नाहीतर हाऊसफुल 3... नर्गिस दिसायला सुंदर आहे. तिची व्यक्तिरेखा नेहमी रोमँटिक दाखवली जाते. पण आता हीच नर्गिस घाबरवायला येतेय.

नर्गिसचा नवा सिनेमा रिलीज होणार आहे. त्याचं नाव आहे आमावास. बऱ्याच मोठ्या ब्रेकनंतर अभिनेता सचिन जोशी परत सिनेमात येतोय. या सिनेमात तो नर्गिसचा नायक आहे.अमावासचा ट्रेलर रिलीज झालाय. तो पाहून अंगावर काटाच येतोय. 1920 इव्हिल रिटर्न्स, रागिणी एमएमएस 2सारखे सिनेमे बनवणारे दिग्दर्शक भूषण पटेल या सिनेमाचं दिग्दर्शन करणार आहे.नर्गीसनं मद्रास कॅफे सिनेमात काम केलं होतं. मद्रास कॅफे म्हणजे श्रीलंकेतली यादवी, तिथे झालेला पराकोटीचा हिंसाचार, भारतानं केलेला हस्तक्षेप आणि या सगळ्यातून झालेली राजीव गांधींची हत्या. हे सगळं येतं मद्रास कॅफेमध्ये. रॉ आपला एजंट विक्रमला श्रीलंकेत पाठवतं आणि मग अनेक गोष्टींचे धागेदोरे मिळत जातात, उलगडत जातात.या सिनेमात नर्गीस फाकरी ही परदेशी पत्रकारही वेगळी वाटते. महत्त्वाचं म्हणजे या व्यक्तिरेखेला कुठेही रोमँटिक अँगल दिलेला नव्हता.

हाॅरर सिनेमा चालणं हे खरं तर मोठं आव्हान असतं. राम गोपाल वर्मानं भूत हा हाॅरर सिनेमा बनवला. तो हिट झाला. पण त्यानंतरचे त्याचे हाॅट सिनेमे फारसे चालले नाहीत. पण रागिणी एमएमएस, एक थी डायन, राज 3, फूंक असे काही हाॅरर सिनेमे चालले. आता अमावासला काय प्रतिसाद मिळतो हे जानेवारीत कळेल. सिनेमा 11 जानेवारीला रिलीज होतोय.